Dembelët e ministrive-si fëmijtë e paedukuar
Halil Xani
Këto ditë në fokus të kamerave të RTK-së
(rrallë kanë këso temash) ishin të punësuarit e
disa ministrive të Kosovës. Thënë më drejtë,
reporterja e RTK-së, ua kishte zënë pritën (në
derë, në mëngjes) dhe i priste të punësuarit duke
fiksuar orën, por edhe duke i pyetur ata që arrinin me vonesë
prej disa minutash e deri në gjysmë ore e më
tepër.
Te punësuarit e Ministrisë së Shëndetësisë dhe
ata të MEM, para kamerave me përgjigjet e tyre më tepër
u ngjanin nxënësve (filloristë) të paedukuar sesa (
të thuash) intelektualëve që paguhen me paratë
e(popullit) buxhetit.
Njëri thoshte kam punuar dje më shumë, tjetra shtonte se e ka
pasur djalin për vaksinë, tjetra se kishte pasur tollovi në
rrugë, tjetra se kishte çuar djalin në qerdhe, tjetri se ishte
vonuar duke pirë kafen e mëngjesit, tjetri se udhëtonte larg
nga Mitrovica. Nuk dëgjova ndonjërin, apo ndonjërën
që arsyetohej ( si arsyetohen shpesh fëmijtë në shkolla)
se i kishte vdekur gjyshja-larg qoftë. Pati edhe asosh që as
ndaleshin për t`u përshëndetur e lëre më të
përgjigjeshin pse ishin vonuar në punë.
Kështu ishte në këto dy ministri, ndërsa në QKUK,
të punësuarit ( që paguhen më pak se ata të
ministrive) në punë arrinin pak para kohe, apo mu në
kohën e caktuar.
Derisa për pak minuta kamerat shënuan vonesat e shumta të
të punësuarëve në këto dy ministri, shtrohet pyetja
se çka do të regjistronin kamerat e fshehura nëpër zyrat e
tyre, ( edhe të ministrive e institucioneve të tjera) se sa e çka
punojnë ata gjatë orarit të punës.
|
