Në Skenderaj kanë qenë për vizita të ndara Justina Pula, ministre e Energjisë dhe e Minierave, Adem Grabovci, zëvendësministër i Telekomunikacionit dhe Ilir Rrecaj, sekretar i përhershëm i Ministrisë së Shëndetësisë në Qeverinë e Kosovës, të cilët gjatë takimit me zyrtarët komunalë kanë prezantuar projekte të reja në drejtim të ngritjes së infrastrukturës, si dhe përmirësimin e kushteve për jetë për qytetarët e kësaj pjese të vendit.

Çështja e pronave
Me këtë rast, Grabovci ka theksuar se “në komunën e Skenderajt, për dallim nga shumë komuna të tjera, nuk kemi pasur nevojë që ministria  drejtpërdrejt të intervenojë në terren për zgjidhjen e problemeve pronësore, sepse në këtë drejtim puna është  kryer nga strukturat  komunale vendore”, tha Grabovci. Sipas tij, rruga Skenderaj-Vushtrri është një nga projektet nacionale tepër i rëndësishëm dhe do të shndërrohet në rrugë rajonale. Z. Grabovci u njoftua se nuk kanë probleme të tjera, nëse përjashtohet rasti i kompensimit të një prone në Polac, ku pronari është i gatshëm të lëshojë vendin. Ndërsa, Ilir Rrecaj, sekretar i përhershëm i MSH-së, ka theksuar se qëllimi i vizitës ka qenë takimi me kryetarin e Komunës edhe me bashkëpunëtorët e tij,  sidomos me Drejtorinë komunale për shëndetësi, në mënyrë që ta informojmë për planin e Ministrisë së Shëndetësisë për investime kapitale dhe përmirësimin e infrastrukturës dhe të shërbimeve shëndetësore. “Në këtë komunë për vitin 2009 do të kemi një investim kapital që kap vlerë prej 250 mijë euro për renovimin e QKMF në Skenderaj, e cila ka pasur ngecje në infrastrukturë”, tha Rrecaj, duke shtuar se me këtë investim do të përmirësohet sadopak infrastruktura dhe mundësia e ofrimit të shërbimeve shëndetësore për pacientët. Gjithashtu, do të rinovohen dy ambulanca, të cilat pas luftës nuk kanë pasur mundësi të rinovohen, ambulanca në Klinë të Epërme dhe ajo në Llaushë, në të cilat do të investohen nga 31 mijë euro.

Furnizimi me energji
Një nga problemet madhore është  furnizimi me energji elektrike. Sikur në pjesën më të madhe të vendit, edhe në Skenderaj  rrjeti furnizues është i vjetër dhe  kërkon  intervenim jo vetëm për të ulur humbjet e KEK-ut në rrjet, por edhe për të ofruar energji stabile elektrike, pasi shumë qytetarët vazhdojnë të ankohen në tensionin e ulët dhe pamundësinë  e shfrytëzimit të aparateve teknike si pasojë e kësaj rryme.  Justina Pula-Shiroka, ministre e Energjisë dhe e Minierave të Kosovës, pas takimit me zyrtarët komunalë ka theksuar: “Jemi këtu për të prezantuar një projekt shumë të madh, për të cilin Qeveria e Kosovës ka ndarë 1.7 milion euro për rindërtimin dhe rinovimin e rrjetit të tensionit të ulët dhe të lartë, i cili do të  përfshijë 26 fshatra”. Sipas Pulës projekti do të ndikojë në eliminimin e “ fyteve të ngushta”, përmirësimi i gjendjes energjetike, sigurinë në këto vendbanime etj. Ky projekt mundëson furnizim më të mirë me energji elektrike, do të rritet kualiteti i energjisë elektrike, renovimi i largpërçuesve. “Projekti ka filluar të mërkurën, disa fshatra do të kyçen në dhjetor, ndërsa pjesa tjetër e fshatrave deri në mars”, tha ,ministrja Pula.
F.Beka. Kosova-sot

 Njoftohen te gjithë të interesuarit  se teatri i qytetit``Naser Kodra” në Skenderaj,shpallë audicionë për pranimin  e aktorëve te rinjë.

       Të drejt paraqitje ne audicionë ka çdo nxënës-qytetar pa marrë parasysh moshën a gjininë.
       
       Të interesuarit mund te paraçiten çdo dit pune në qendrën e artit dhe e kulturës “ Hasan Prishtina”në Skenderaj,  kati i dytë  zyra nr. 45-sektori për kulturë,prej orës 8-11 dhe orës 14-16.
      
   fati për paraqitje është tete ditë prej datës  03. 11 . 2008  deri me  10. 11. 2008.
      
  Audicioni do të mbahet më  10. 11. 2008  ne ora 15  ne zyrën  45.

Kushtet:Kandidati duet të përgatit: 
1. Monolog ose një poezi
2. Një këngë
3. Rrëfim i një ngjarjeje ose një tregimi

Nga drejtoria e teatrit