Fsh. Rezallë, Skenderaj 17.08.09 – 08:10. Pas marrjes së informatës për të shtëna armësh patrullat janë drejtuar në shtëpinë e të dyshuarit mashkull k-Shqiptar i cili ka deklaruar se gjatë një ahengu familjar ka shtënë me armë zjarri në ajër. I dyshuari vullnetarisht i ka dorëzuar policisë një AK-47 prodhim jugosllav pa fishek dhe një pushkë gjuetie prodhim turk për të cilin posedonte leje. Armët janë konfiskuar dhe me urdhër të prokurorit i dyshuari është liruar në procedurë të rregullt.

Fsh. Ternavc, Skenderaj 17.08.2009 – 16:55. Një mashkull k-Shqiptar ka vdekur dhe tre të tjerë janë lënduar si pasojë e një aksidenti trafiku që ka ndodhur midis një veture me tabela KS dhe një kombi me tabela të Holandës. Incidenti ka ndodhur si pasojë e pakujdesisë së veturës Kombi. Vozitësi i veturës është dërguar në Shtëpinë e Shëndetit pa shenja jete. I dyshuari (vozitësi i kombit) nuk është arrestuar sepse gjendet në tretman mjekësor për shkak të lëndimeve.

 

Dr. Emine Shabani–Goxhuli, zëvendësdrejtoreshë e QMKF-së, ka treguar se tri autoambulancat e pajisura me të gjithë aparaturën e nevojshme për transportimin e pacientëve, që deri tash janë përdorur nga TMK-ja, janë donacion i Forcës së Sigurisë së Kosovës. Ndërkaq, kompjuterët dhe fotokopjuesit, u tha se janë donacion i OSBE-së, e cila i është përgjigjur kërkesës së kësaj Qendre Mjekësore. Kompjuterët do t’u shpërndahen 5 qendrave të mjekësisë familjare nëpër terren.
Ky rast solemn, është shfrytëzuar që të përmendet mospagesa e shtesës prej 44 euro, të cilat kanë mbetur barrë e komunave përkatëse. “Ne ende nuk e kemi marrë shtesën prej 44 euro për vitin 2009, edhepse kanë kaluar 7 muaj të vitit, dhe arsyetimi i udhëheqjes komunale është se momentalisht nuk ka mjete”, tha dr Shabani-Goxhuli.

I pranishëm në ceremoni, nënkryetari i komunës, Abdyl Ymeri, ka premtuar se mjetet e nevojshme do të sigurohen shpejt, qoftë edhe duke hequr dorë nga ndonjë projekt.