Përfaqësues të Ministrisë së Arsimit, Shkencës dhe Teknologjisë (MASHT) të Republikës së Kosovës, të ambasadës norvegjeze në Prishtinë, projekt-menaxhuesi, binzeseve dhe përfaqëues të strukturave komunale janë takuar në Skenderaj, për të diskutuar ecurinë e punëve të deritashme të ndërtimit të objektit të Qendrës së Kompetencës, projekt ky financuar nga ambasada e Norvegjisë në vendin tonë dhe ndihmuar nga MASHT-i.

Jashar Lushtaku, drejtor i Drejtorisë Komunale të Arsimit për Skenderaj, ka bërë të ditur përfundimin e punëve të vrazhda të objektit, duke shfaqur besimin se shkolla profesionale do të jetë e gatshme t’i pranojë nxënësit në afatin e paraparë, me 1 shtator të këtij viti. Ai tha se janë zgjedhur drejtori i shkollës, dy zëvëndësit e tij dhe stafi profesional, por ka pasur vështirësi në sigurimin e tij, pasi nga 24 sa janë zgjedhur, vetëm 15 janë të diplomuarë, derisa pjesa tjetër është e padplimouarë, apo duke dipolimuar. Ndërkaq, sa i përket infratrukturës përcjellëse të objektit, drejtori Lushtaku tha se Komuna e Skenderajt ka marrë përsipër ndërtimin e rrugës deri te qendra, si dhe do të sigurojë një trafostacion për furnizim me energji elektrike.

Ndërkaq, përfaqësuesja e MASHT-i, Valbona Mjeku, foli për aktivitetet stinore që do t’i zhvillojnë nxënësit e qendrës gjatë stinës së verës në vende të ndryshme të Evropës, në kuadër të aftësimit praktik.

I kënaqur me ecurinë e deritashme të punëve në ndërtimin e qendrave të kompetencës, njëra në Skenderaj dhe tjetra në Malishevë, është shprehur të jetë edhe Agon Maliqi, përfaqësues i ambasadës norvegjeze në Prishtinë. Ai tha se ndërtimi i këtyre dy qendrave, vlera e të cilave është 10 milionë euro, është projekti më i madh i shtetit norvegjez në Ballkan.

Maliqi theksoi se vetëm për pajisje të qendrave do të investohen 2.5 milionë euro, ndërsa ato do të jenë model për rajonin. Prof.Xheladin Skenderi, prorektor i Fakultetit Teknik në Universitetin e Prishtiniës, tha se është i nevojshmëm trajni dhe përgatitja e kuadrit profesional në shkollat e këtij lloji në Norvegji.

Projekt-menaxheri i projektit për ndërtimin e Qendrës së Kompetencës, Argjend Karaj, tha se qendra do të ketë bibliotekën, sallën e fizkulturës, kabinete për të gjithë mësimdhënësit, qendrën informatike, laboratorë, punëtori për të gjitha profilet, restoranin dhe hapësira tjera për punë praktike. Ai e vlerësoi lartë punën që është zhvilluar deri sot. Sipas Karajt, shkollat në Skenderaj dhe Malishevë, kanë dizajn bashkëkohorë dhe ato janë model jo vetëm për shtetet e rajonit, por edhe më gjërë.