PËRVJETOR I DENJË!
nga Mehmet BISLIMI

Po bëhet një vit kur u hap dritarja elektronike e informimit për Drenicën legjendare.
Djemtë e saj entuziast, morën hapin e guximshëm, dhe me këtë bënë që bota të jetë më afër nesh; me shkrime, informime objektive, kulturë, humor, sport, krijimtari e analiza të shumta, që për shtjellim- mbi të gjitha, kishin çështjen kobtare...

. E kam të çartë, dhe nuk ka qenë e lehtë për ju, që të përballeni me gjithë ato pengesa që keni pasur gjatë rrugës suaj për të arritur deri këtu, pra sot kur po bëhet viti i lindjes së kësaj faqeje- këtë e bëjnë vetëm ata që janë të devotshëm dhe të përkushtuar, siç janë anëtarët e redaksisë së kësaj faqeje- prandaj: Urime djema dhe qofshi faqebardhë. Puna juaj na detyron të gjithë ne- bashkëpunëtorët tuaj që të mos ndalim së vepruari!...

Pa dyshim, ne do të ngarendim së bashku dhe vetëm se bashku do të ia dalim pa dyshim. Për të bërë më shumë për Drenicën, për Kosovën tonë të zhuritur, për shqiptarët kudo që janë, për tokat tona të zhuritura, për nënat tona, për motrat dhe nuset, që mbetën me duar në gji, për trimat që lanë nam e këngë në themelet e historisë sonë, për familjet e tyre që Kosovës ia lan amanet!...

Ju përgëzoi djema, me shpirt e zemër, të gjithë juve, por më shumë nga të gjithë, ata që gdhijnë natën për t'i dhënë dritë ditës së nesërme që po lind!
Juve, që nuk keni pushuar për as një çast, juve që nuk keni kursyer as një orë kohë, juve që botës së informimit elektronik i keni ofruar edhe hallet e Drenicës, natyrisht edhe të gjithë bashkëpunëtorëve dhe lexuesit tanë, që në çdo çast ishin me ne e pranë nesh!...

Më shumë respekt, për ju, për nënëloken tonë Drenicën legjendare, që në gjirin e ngrohtë të saj po përkëdhel kokën e Komandantit Legjendar Adem Jashari!

1, mars 2008
Juaji, Mehmeti