Mendime të urta autoriale
nga Mehmet BISLIMI

1. Heshtja jo gjithherë është ar!

2. Ka shumë veta që vezullojnë në formë, por që janë të brishtë në përmbajtje!

3. Shoku i vërtetë t'i zbulon dobësitë me kohë . Ka "shokë" që dobësitë t'i mbulojnë, përderisa ato të bëhen shumë, pastaj bëhet vonë!

4. Ata që vetvetes i shkaktojnë probleme në jetë, nuk kanë kujt t'i ankohen!

5. Të ligjtë gjithmonë gjuajnë na pusia, ata kurrë nuk dalin përball!

6. Çdo kush ka të drejtën e fjalës. Lum ai që ka durim të dëgjoi llafazanët!

7. Njerëzit kanë të drejtën e fjalës, kjo s'nënkupton se të gjithë janë të zotë e sajë!

8. Ata që kritikën kanë në rend të parë - punën e kanë të fundit!

9. Njeriu duke folur për një çështje të caktuar, ngërthen në vete aftësinë, kulturën, diturinë...Ka disa që nuk flasin, duke dashur që me heshtje të mbulojnë paaftësinë e vet!

10. Sinqeritet mbrohet me fuqinë e shpirtit, prandaj njerëzit e sinqertë edhe rrëmbehen!

11. Atje ku përdhunohet drejtësia, pa dyshim se mungon fuqia e ligjit!

12. Aty ku dëgjohet zëri i fëmijës, ka gjallëri, ka ardhmëri!

13. Në mes atyre që pranojnë realitetin, dhe atyre që mohojnë këtë, është lumi i mjerimit!

14. Dënimi më i rëndë është, kur njerëzit nuk mund ta shikojnë njëri - tjetrin në sy!

15. Ata që imagjinatën nuk e kanë të zhvilluar, për t'i bërë gjërat e mëdha realitet - çdo gjë që pason më vonë si produkt i punës, ia veshin spontanitetit!

16. Kureshtarëve iu mungon kultura e dëgjimit!

17. Nëse të gënjejnë dy herë, zgjohu nga verbërimi i besimit, se do të gënjejnë prapë!

18. Vetëm injorantët besojnë në çdo gjë!

19. Njerëzit e mëdhenj të gjitha aftësitë e veta i përdorin në shërbim të atdheut. Njerëzit e ulët të gjitha aftësitë e veta i përdorin kundër atdheut!

20. Ka disa që kur i hipin atit, mendojnë se do të janë kalorës përjetë. Pikërisht ata bien në të parin hendek!

21. Nga poshtë i sheh lartësitë më mirë, nga lartë gjërat të duken të vogla!

22. Erërat e dimrit nuk kanë për mision freskimin!

23. Buzëqeshja zgjat jetën, por varët se çka fshihet pas saj: intriga, cinizmi, hipokrizia, injoranca, sarkazmi, servilizmi, shpotia, dashuria, apo sinqeriteti!

24. Të vërtetës mos iu friko kurrë, sepse mbjell hijen e dyshimit mbi te!

25. Vetëm njerëzit e dobët nuk i binden arsyes, për veprim në dobi të progresit!

26. Armiku do të te ndjek pa pushim - përderisa ti ikën pa ndalur para tij!

27. Qëllimkëqijtë ngurrojnë ta mbrojnë të vërtetën!

28. Gatishmëria për tu ndeshur me të vërtetën- tregon sinqeritetin njerëzor!

29. Madhështor të bënë shërbimi ndaj atdheut, rënia për te është hyjnizim i këtij misioni!

30. Përkushtimi dhe sakrifica ndaj çështjeve të mëdha, të bëjnë të pavdekshëm!

31. Të ligjtë - vetëm ligësi ofrojnë- sa më larg prej tyre, jeni larg ligësive!

32. Me armiqtë kurrë mos u bënë i sinqertë- ata të vrasin, pikërisht me sinqeritetin tënd!

33. Kush vuan nga pasionet e ulëta, tradhtinë e ka si mjet triumfi!

34. Ti ktheve dashurinë në urrejtje, duhet shumë kohë për të tjerëve, që urrejtjen ta kthejnë në dashuri!

35. E vërteta duhet të thuhet me guxim, pavarësisht nëse u pëlqen të tjerëve!

Mehmet BISLIMI, poet dhe publicist.