Problemi i madh i papunësisë si fenomen i përhershëm që e shoqëron komunën është bërë problem social dhe ngarkesë për buxhetin e vendit. E vetmja zgjidhje e këtij problemi është krijimi dhe zhvillimi i ndërmarrjeve të reja, të cilat do të ishin në gjendje që të absorbonin fuqinë punëtore të papunësuar. Për këtë është nevojë e domosdoshme që të intensifikohet ky proces përmes stimulimit dhe mbështetjes së bizneseve të vogla dhe të mesme.
Objektivi i Zhvillimit: Arritja e zhvillimit të qëndrueshëm ekonomik që si rezultat do të ketë zvogëlimin e papunësisë.
Objektivi i tanishëm 1. Krijimi i hapësirave për vendosjen e bizneseve për zhvillimin legal të afarizmit të tyre në komunë.
Deri në fund të vitit 2010 do të ngritet një park i biznesit, 4 qendra tregtare në katër bashkësi lokale dhe një inkubator i biznesit.
Objektivi i tanishëm 2. Promovimi i aktiviteteve ekonomike dhe iniciativave ndërmarrëse në nivel lokal.
Deri në fund të vitit 2010 do të rritet mbështetja për bizneset e vogla për të përmirësuar marketingun e tyre , menaxhmentin, teknologjinë dhe eksportet përmes semianreve, trajnimeve specifike, pjesëmarrjes së bizneseve të vogla në panaire, ekspozita, organizimit dhe mbajtjes së tryezave të rrumbullakta për problemet e bizneseve, shpalljes së ndërmarrësit të vitit si dhe publikimeve të ndryshme për NVM/ndërmarrësin
